Ordu.az erməni KİV-lərinə istinadən xəbər verir ki, səfirlik Ermənistan hökumətinin Suriyaya tibbi və mina zərərsizləşdirmə heyətinin göndərilməsi qərarının bəyənilmədiyini vurğulayıb.

“Biz digər dövlətlərin Suriyadakı humanitar vəziyyətə cavab tədbirləri görmək istəyini anlayır və Yaxın Şərqdəki dini azlıqlarla bağlı narahatlıqları bölüşürük. Lakin istər təbiət etibarilə mülki yardım xarakterli, istərsə də hərbi olmasından asılı olmayaraq, Suriya hərbi qüvvələri ilə istənilən əlaqəni dəstəkləmirik”, - deyə səfirlik bəyan edib.

Bəyanatda o da qeyd edilib ki, Birləşmiş Ştatlar həm də bu missiya ilə bağlı Ermənistan və Rusiya arasındakı hər hansı bir əməkdaşlığı da dəstəkləmir.

“Rusiya mülki şəxslərin qətli, humanitar faciənin dərinləşməsində Əsəd rejimi ilə partnyorluq edib. Rusiya Əsəd rejimini müdafiə etməyə və qlobal arenada öz dəhşətlərinə davam edir”, - deyə bəyanatda bildirilib.

Alpər Mövludoğlu
Ordu.az