Ordu.az xarici KİV-lərə istinadən xəbər verir ki, Moskvanın son günlərdə Suriya sularına cəmlədiyi döyüş gəmiləri burada dəniz manevrləri həyata keçirir.

Xatırladaq ki, bir neçə gün öncə ABŞ prezidentinin milli təhlükəsizlik üzrə müşaviri Con Bolton Suriyada növbəti bir kimyəvi silah hücumuna ABŞ və müttəfiqləri tərəfindən sərt cavab veriləcəyini bildirib.

Bundan sonra gərginləşən vəziyyət Rusiya Müdafiə Nazirliyinin Suriyanın İdlib vilayətindəki terrorçuların kimyəvi silahlardan istifadə edərək təxribat törətməyi planlaşdırdıqlarını bəyan edib.

Digər tərəfdən Suriya ordusu İdlib vilayəti istiqamətində yeni əməliyyata hazırlığı davam etdirdiyi müddətdə ABŞ-ın da bölgədə möhkəmləndiyinə dair xəbərlər yayıldı. Bundan sonra isə Rusiya donanması bir-birinin ardınca Suriyanın Tartus limanı yaxınlığına 10-a yaxın döyüş gəmisi göndərib.

Ağalar Ağalarlı
Ordu.az