Ordu.az xarici KİV-lərə istinadən xəbər verir ki, bu barədə rəsmi məlumatı Türkiyə Daxili İşlər Nazirliyi yayıb.

Bildirilib ki, 20-27 avqust tarixlərində həyata keçirilən 2156 anti-terror əməliyyatı nəticəsində 12 terrorçu məhv edilib, 9-u isə sağ ələ keçirilib.

Həmçinin daha 5 terrorçu könüllü şəkildə təhlükəsizlik qüvvələri əməkdaşlarına təslim olublar. 62 nəfər isə terrorçuluqda şübhəli bilinərək saxlanılıblar.

Qeyd edək ki, qeyd olunan tarixlərdə məhv edilən terrorçuların 5-i PKK-nın önəmli fiqurlarından hesab olunur.

Dəyanət Ağalarlı
Ordu.az