Ordu.az xarici KİV-lərə istinadən xəbər verir ki, bu barədə Rusiyanın hərbi dairələrinə yaxın adıçəkilməyən mənbə bildirib.

Mənbənin məlumatına görə, türkiyəli rəsmilər Rusiya kanalları vasitəsilə suriyalı həmkarlarından İdlibə planlaşdırılan hərbi əməliyyatı sentyabrın 4-nə qədər gecikdirməyi istəyiblər.

Eyni mənbə bildirib ki, Ankara “Təhrir əş-Şam”ın məğlub edilməsi istiqamətində çox çalışır və Rusiya Ankaranın bu səyləri barəsində rəsmi Dəməşqi xəbərdar edib.

Qeyd edək ki, Suriya ordusu bir müddətdir ki, Astana sammiti zamanı münaqişəsiz zona elan edilmiş İdlib istiqamətində hərbi əməliyyata hazırlaşır.

Ağalar Ağalarlı
Ordu.az