Ordu.az erməni KİV-lərinə istinadən xəbər verir ki, ötən gün Qarabağın şimal-şərq istiqamətində yerləşən hərbi hissələrdən birinin döyüş postunda mina partlayışı nəticəsində yaralanan iki hərbi qulluqçudan birini, bu gün Xankəndindən Ermənistan müdafiə nazirliyinin mərkəzi hərbi hospitalına köçürüblər.

Qarabağdakı hərbi hospitaldan bildiriblər ki, hərbi qulluqçunun ayağı amputasiya edilib, vəziyyəti ağırdır və onun İrəvana köçürülməsi barədə qərar qəbul edilib.

Xatırladaq ki, mina partlayışından yaralanan digər erməni hərbi qulluqçu, N. Marukyanın da ayağını amputasiya ediblər və o, yanvarın 8-də Ermənistan müdafiə nazirliyinin mərkəzi hərbi hospitalına köçürülüb. Hazırda vəziyyəti ağırdır.

Alpər Mövludoğlu
Ordu.az