Ordu.az CNN telekanalına istinadən xəbər verir ki, bu addım Vaşinqton və Tehran arasında əldə olunmuş çərçivə razılaşmasından sonra atılıb.

Həmin razılaşma İran limanlarına qarşı ABŞ blokadasının dayandırılmasını da nəzərdə tutur.

Dəniz daşımalarının monitorinqi ilə məşğul olan “TankerTrackers” analitik şirkətinin məlumatına görə, İran tanker gəmiləri artıq iki partiya nefti uğurla ixrac edib.

Şirkətin peyk görüntüləri ilə təsdiqlənən məlumatlarında qeyd olunur ki, İran Milli Tanker Şirkətinə məxsus ən azı iki supertanker 3,8 milyon barel xam neft daşıyaraq ABŞ Hərbi Dəniz Qüvvələrinin blokada xəttini keçib.

ABŞ Prezidenti Donald Tramp bazar ertəsi bildirib ki, Hörmüz boğazı razılaşdırılmış memorandumun şərtlərinə uyğun olaraq yenidən açılıb.

Lakin daha sonra o, müddətləri dəyişdirərək boğazın memorandumun İsveçrədə rəsmi şəkildə imzalanmasından sonra, yəni cümə günü yenidən açılacağını açıqlayıb.

Sevinc Əliyeva
Ordu.az