Ordu.az xəbər verir ki, bu barədə Gürcüstanın Birinci Kanalı məlumat yayıb.

Məlumata görə, Gürcüstan hökumətinin başçısı səfiri diplomatik missiyasına başlaması münasibətilə təbrik edib və ona fəaliyyətində uğurlar arzulayıb.

Qeyd edilir ki, görüş zamanı iki ölkə arasında ümumi regional maraqlara əsaslanan güclü strateji tərəfdaşlıq münasibətlərinin əhəmiyyəti vurğulanıb.

Xüsusilə iqtisadi əlaqələrin möhkəmləndirilməsinin vacibliyi qeyd olunub və Türkiyənin Gürcüstanın aparıcı ticarət tərəfdaşlarından biri olduğu bildirilib.

Tərəflər Orta Dəhlizin inkişaf perspektivlərini və birgə regional layihələri də müzakirə ediblər.

Bu kontekstdə Cənubi Qafqaz regionunda sülh və sabitliyin təmin olunmasının vacibliyi xüsusi vurğulanıb.

Sevinc Əliyeva
Ordu.az