Ordu.az xəbər verir ki, bu barədə Aİ Şurasının Kipr sədrliyi "X" sosial şəbəkəsində məlumat yayıb.
"Kipr sədrliyi bu gün Ukrayna və Moldovanın [Avropa İttifaqına] daxil olması üzrə danışıqların birinci klasterinin rəsmi açılışına hazırlıq prosesinə start verib", - məlumatda bildirilib.
Kipr tərəfi danışıqların açılması məsələsinin Aİ Şurasında müzakirəsini başa çatdırmaq üçün yaxın günlərdə intensiv iş aparmaq niyyətində olduğunu bildirib.
Danışıqlar prosesinin startı iyunun 15-də Lüksemburqda keçiriləcək Avropa İttifaqının genişlənməsi üzrə hökumətlərarası konfrans çərçivəsində baş tuta bilər.
Ordu.az
