Ordu.az xəbər verir ki, bu barədə Ermənistan Baş Prokurorluğu məlumat yayıb.
Xatırladaq ki, Ermənistanın Baş naziri Nikol Paşinyan mayın 20-də seçki kampaniyası zamanı Ermənistan Milli Təhlükəsizlik Xidmətinin Andranik Tevanyanla bağlı “dövlətə xəyanət” maddəsi ilə cinayət işi başlanması üçün material göndərəcəyini açıqlamışdı.
Tevanyan isə cavab olaraq Paşinyanı dövlətə xəyanətdə ittiham etmiş və gələcəkdə əməllərinə görə cavab verəcəyini bildirmişdi.
Məlumata görə, ötən gün Ermənistan İstintaq Komitəsi artıq cinayət işi başladıb.
Bu gün səhər saatlarından etibarən maskalı Ermənistan MTX əməkdaşları “Ana Ermənistan” partiyasının qərargahına daxil olaraq istintaq hərəkətlərinə başlayıblar.
Bundan başqa, “Ana Ermənistan” partiyasının sədri və “Çiçəklənən Ermənistan” partiyasının seçki siyahısında ikinci yeri tutan Andranik Tevanyanın mənzilində də axtarış aparıldığı bildirilib.
Alpər Mövludoğlu
Ordu.az
