Ordu.az xəbər verir ki, bunu iqtisadiyyat nazirinin müavini Sahib Ələkbərov Bakıda keçirilən Azərbaycan-Tacikistan Biznes Forumunda bildirib.

Onun sözlərinə görə, iqtisadi əməkdaşlığın və ölkələrimiz arasında işgüzar əlaqələrin möhkəmləndirilməsi mühüm əhəmiyyət kəsb edir: "Xüsusilə 2024-cü ilin mayında imzalanmış Azərbaycan və Tacikistan arasında strateji dəstək haqqında Bəyannamənin əhəmiyyətini qeyd etmək istərdim. Bu sənəd ikitərəfli gündəmin daha da genişləndirilməsi və əsas istiqamətlər üzrə əməkdaşlığın möhkəmləndirilməsi üçün istiqamətverici oldu".

O bildirib ki, ölkələr arasında qarşılıqlı əlaqənin mühüm mexanizmlərindən biri ticarət-iqtisadi əməkdaşlıq məsələləri üzrə birgə hökumətlərarası komissiyadır: "Dünən Bakıda komissiyanın səkkizinci iclası keçirilib ki, bu da ikitərəfli münasibətlərin cari vəziyyətinin əhatəli müzakirəsi, əməkdaşlığın prioritet istiqamətlərinin müəyyənləşdirilməsi və sonrakı praktiki addımların razılaşdırılması üçün mühüm platforma olub. İclas çərçivəsində Azərbaycan və Tacikistan arasında qarşılıqlı əlaqənin möhkəmləndirilməsinə yönəlmiş bir sıra sənədlər imzalanıb".

Ordu.az