Ordu.az xəbər verir ki, bu barədə “Peterburqski dnevnik” məlumat yayıb.

Putin eyni zamanda Ermənistanın Baş naziri Nikol Paşinyanın Qələbə Günündə Moskvaya gəlməkdən imtina etməsində xüsusi bir məqam görmədiyini bildirib.

Rusiya, həmçinin erməni xalqının maraqlarına uyğun olan hər şeyi dəstəkləyəcək. Bununla yanaşı, İrəvanın Avropa İttifaqına qoşulmaq planları xüsusi müzakirə tələb edir.

Vladimir Putinin sözlərinə görə, Ermənistan hakimiyyəti Avropa İttifaqına üzvlük məsələsi ilə bağlı referendum keçirə bilərdi və əgər xalq bunu dəstəkləsəydi, Rusiya “sivil boşanma” prosesinə başlaya bilərdi.

O xatırladıb ki, Ukrayna məsələsində də hər şey Avrointeqrasiya mövzusundan başlamışdı.

Putin qeyd edib ki, Ermənistanın Avrointeqrasiya məsələsi Avrasiya İqtisadi Birliyinin növbəti sammitində tam şəkildə müzakirəyə çıxarıla bilərdi.

Alpər Mövludoğlu
Ordu.az