Ordu.az xəbər verir ki, bu barədə “Mehr” agentliyi məlumat yayıb.

Pakistanlı nazirin sözlərinə görə, məktub Pakistan Silahlı Qüvvələrinin Baş Qərargah rəisi Asim Münir və Baş nazir Şahbaz Şərif tərəfindən göndərilib və regionda yaranmış mövcud vəziyyətlə bağlıdır.

“Mən İran İslam Respublikasının rəhbərinə feldmarşal Asim Münir və Baş nazir Şahbaz Şərifin xüsusi məktubunu çatdırmaq üçün gəlmişəm. Mən bunu mühüm mesaj hesab edirəm və ümid edirəm ki, hər şey müsbət nəticə ilə yekunlaşacaq”, - deyə Nəqvi bildirib.

İran agentliyinin məlumatına görə, pakistanlı nazirin səfəri İslamabadın Tehran və Vaşinqton arasında dialoqu təşviq etmək və tərəflər arasında razılaşmaların əldə olunmasına yardım göstərmək məqsədi daşıyan diplomatik səylərinin bir hissəsidir.

Nəqvi şənbə günü Tehrana gedib və İranın daxili işlər naziri İsgəndər Mömini ilə də danışıqlar aparıb.

Sevinc Əliyeva
Ordu.az