Ordu.az xəbər verir ki, sözügedən raketlər yerdən havaya raket sisteminin döyüş ünsürlərini və kritik infrastrukturu, taktiki ballistik raketlər də daxil olmaqla hər növ hava təhdidinə qarşı qoruma qabiliyyətini genişləndirmək üçün hazırlanıb.

GEM-T raketlərinin istehsalı RTX-nin Almaniyanın Şrobenhauzen şəhərindəki istehsal xətti tərəfindən dəstəklənəcək.

“Raytheon” ilə MBDA “Deutschland” birgə təşəbbüsü olan COMLOG tərəfindən idarə edilən bu mərkəz Ukrayna Silahlı Qüvvələrinə davam edən sursat təchizatına əlavə olaraq tərəfdaş ölkələrlə birbaşa kommersiya alışlarını da dəstəkləyəcək.

Kiyev ABŞ istehsalı “Patriot” sistemini ilk dəfə 2023-cü ildə təhvil alıb və 2026-cı il apreldə tərəfdaş ölkələrdən yeni raket göndərişini təsdiqləyib.

Hazırda ölkənin təxminən 10 əməliyyat batareyasına sahib olduğu, ümumi inventarın isə təxminən 60 buraxıcı qurğu və 600 raketdən ibarət olduğu bildirilir.

Ukrayna ilə birlikdə “Patriot” sistemi dünya üzrə 19 ölkə tərəfindən istifadə olunur.

“Raytheon” prezidenti Fil Casper bildirib: “Raytheon” istehsal gücünü ən yüksək səviyyəyə çatdırmağa fokuslanıb. “Patriot” sisteminə güvənərək vətəndaşlarını, infrastrukturlarını və suverenliklərini qoruyan ABŞ və Ukrayna kimi müttəfiqlər üçün bu sahədə özünü sübut etmiş önləyicilərin sabit və etibarlı təchizatını təmin etməyi hədəfləyirik”.

Casper, həmçinin qeyd edib: “Raytheon” artan qlobal tələbi qarşılamaq məqsədilə GEM-T istehsalını artırmaq üçün böyük sərmayələr yatırır. Bu artım həm şirkət daxili, həm də tərəfdaş sərmayələri, ikinci təchizat mənbələri yaratma təşəbbüsləri və qlobal təchizat zəncirimizin genişləndirilməsi ilə dəstəklənir”.

Sevinc Əliyeva
Ordu.az