Ordu.az xəbər verir ki, bu barədə Ermənistan KİV-ləri məlumat yayıb.

Məlumata görə, qərar “Zayed” İnsan Qardaşlığı 2026 mükafatı çərçivəsində baş nazirin aldığı 500 min ABŞ dolları məbləğində mükafatın idarə olunması üçün hüquqi əsasların yaradılması ilə bağlıdır.

Layihəyə əsasən, Ermənistan baş nazirinin aparatına Maliyyə Nazirliyinin xəzinədarlığında öz adına milli valyutada büdcədənkənar depozit hesabı açmağa icazə verilir. Bu tənzimləmə mükafat vəsaitlərinin yerləşdirilməsini və həmin vəsaitlər hesabına hökumət qərarları ilə müəyyən edilmiş xərclərin maliyyələşdirilməsini təmin edəcək.

Qeyd edilir ki, qərarın qəbul edilməsi mükafat vəsaitlərinin idarə olunmasının şəffaflığını və onların məqsədyönlü istifadəsini təmin edəcək, daxilolmalar və çıxışların dövlət xəzinədarlıq sistemi vasitəsilə ayrıca uçotunun aparılmasına imkan yaradacaq.

Alpər Mövludoğlu
Ordu.az