Ordu.az xəbər verir ki, bu barədə “Radio Taiwan International” CNA agentliyinə istinadən məlumat yayıb.

Məlumata görə, yeni bölmə Tayvan administrasiyasının əsas adasından təxminən 45 kilometr, Çin Xalq Respublikasının sahillərindən isə 150 kilometr məsafədə yerləşdiriləcək.

Gələcək tabor hazırda fəaliyyət göstərən eskadrilya əsasında yaradılacaq və birbaşa Penxu Müdafiə Komandanlığına tabe olacaq. Müdafiə Nazirliyinin ilkin planına əsasən, bölmə artıq iyul ayında rəsmi fəaliyyətə başlamalıdır.

Bundan əvvəl Tayvan administrasiyası Silahlı Qüvvələrinin Baş Qərargah rəisi Çen Çunyı ölkənin beş əməliyyat bölgəsinin hər birində, o cümlədən uzaq adalarda belə taborların yaradılacağını açıqlamışdı.

Genişmiqyaslı proqram çərçivəsində hərbi rəhbərlik artıq 2026-cı ilin aprelində ilk üç belə bölməni formalaşdırıb.

Qeyd olunur ki, Çin hüquq-mühafizə orqanlarına məxsus gəmilər ilk dəfə olaraq Cənubi Çin dənizində yerləşən Taypin adası yaxınlığında Tayvanın ərazi sularına daxil olublar.

Hadisə Pekinin Tayvanda hakim Demokratik Tərəqqi Partiyasını Yaponiya və Filippin arasında dəniz sərhədlərinin müəyyənləşdirilməsi üzrə aparılan danışıqlarda passiv mövqe tutmaqda ittiham etməsi fonunda baş verib.

Sevinc Əliyeva
Ordu.az