Ordu.az xəbər verir ki, bu barədə "Yonhap" agentliyi məlumat yayıb.

Nəşrin yazdığına görə, şirkət yanacaq qiymətlərinin kəskin artmasını nəzərə alaraq təcili idarəetmə rejiminə keçib. Agentlik bildirir ki, "Korean Air"in vitse-sədri U Ki Hon çərşənbə günündən etibarən fövqəladə idarəetmə sisteminin tətbiqi ilə bağlı daxili bildiriş göndərib.

Bildirilib ki, qərar xərclərin artması səbəbindən qəbul olunub. Şirkət xərclərin səmərəliliyini artırmaq üçün mərhələli tədbirlər həyata keçirəcək. U Ki Hon uzun müddət davam edən yüksək neft qiymətlərinin şirkətin biznes məqsədlərinə çatmaq qabiliyyətinə ciddi mənfi təsir göstərə biləcəyini xəbərdar edib.

Hesabatda vurğulanır ki, "Bu tədbirlər xərcləri azaltmaq üçün birdəfəlik cəhd deyil, şirkətin fundamental bazasını gücləndirmək üçün daha geniş struktur səylərinin bir hissəsidir".

Ordu.az