Ordu.az xəbər verir ki, bu barədə xarici KİV-lər məlumat yayıb.

General ser Devid Riçards qeyd edib ki, hava, dəniz və quru qüvvələrini əhatə edən və boğazda naviqasiya azadlığını bərpa edə biləcək koalisiyanın planlaşdırılması dərhal başlanmalıdır. Onun sözlərinə görə, ABŞ-nin İranla münaqişəyə yanaşması “uğursuz olub”.

“Biz çox tez bir zamanda niyyətimizi tam aydın göstərən strategiya hazırlamalıyıq”, - deyə Riçards bildirib.

O qeyd edib ki, bu, böyük, lakin məhdud quru əməliyyatı tələb edə bilər.

Son həftələrdə Fransa və Böyük Britaniya rəsmiləri onlarla ölkəni bir araya gətirəcək dəniz konvoyu planını müzakirə ediblər. Münaqişədən əvvəl hər gün təxminən 100 gəminin keçdiyi bu su yolu normal şəraitdə dünya üzrə gündəlik neft tədarükünün beşdə birini daşıyırdı.

Riçardsın fikrincə, vəziyyət o qədər ciddidir ki, daha böyük qüvvəyə ehtiyac var və bu qüvvənin formalaşdırılması iki-üç ay çəkə bilər.

O bildirib: “Müharibə ABŞ üçün uğursuz getsə də, Hörmüz boğazını açmaq üçün çoxmillətli koalisiyanın yaradılması üzrə planlaşdırma dərhal başlanmalıdır. Bu müddətdə güc tətbiqi təhdidi ilə diplomatiya İranın razılığını əldə etmək üçün istifadə edilə bilər”.

Hörmüz boğazından keçən gəmilər neft, mayeləşdirilmiş təbii qaz, gübrə komponentləri olan karbamid və ammonyak, helium və alüminium daşıyır. Bu marşrutun uzunmüddətli pozulması artıq enerji bazarlarında ciddi təsirlər yaradıb və iqtisadi sabitliyi təhdid edir.

Naviqasiya azadlığının bərpası yalnız səth gəmilərinin sayına əsaslanmayan mürəkkəb bir vəzifədir.

Riçardsın açıqlamaları həm də Vaşinqtonun münaqişəni idarə etməsinə tənqidi yanaşma kimi qiymətləndirilir. O, Ağ Evi tam şəkildə günahlandırmasa da, aydın strategiyanın olmadığını qeyd edib.

“Amerikanın strategiyasızlığı və ya qüsurlu strategiyası ciddi tənqid oluna bilər. Lakin biz indi amerikalıların arxasında dayanmalı və onlarla birlikdə çalışmalıyıq, çünki NATO və digər tərəfdaşlar böyük hərbi potensiala malikdir”, - deyə o bildirib.

O əlavə edib ki, münaqişənin qlobal təsirləri nəzərə alınaraq ölkələr mövcud vəziyyətə baxmayaraq bir araya gəlməlidir.

Sevinc Əliyeva
Ordu.az