Ordu.az xəbər verir ki, bu barədə Yaxın Şərqə işgüzar səfərindən sonra Ukrayna Prezidenti Volodimir Zelenski bildirib.

Onun sözlərinə görə, tərəflər Ukraynanın Hörmüz boğazının açılmasına kömək etməsi imkanlarını da müzakirə ediblər.

“Magura” kimi insansız dəniz platformalarının köməyi ilə Ukrayna vaxtilə Qara dənizdə üstünlük təşkil edən Rusiya Qara dəniz donanmasının fəaliyyətini məhdudlaşdıra bilib. Ukraynanın hücumları Rusiyanı taktikasını dəyişməyə məcbur edib və genişmiqyaslı zərbələr endirmək imkanlarını xeyli azaldıb.

Bu cür sistemlər dəniz ərazilərinin patrul edilməsi, hava məkanının monitorinqi və təxliyə ilə logistika əməliyyatlarının dəstəklənməsi üçün nəzərdə tutulub.

Müasir müharibədə yüksək dəqiqlik və effektivlik nəticəsində illər ərzində 17-dən çox Rusiya dəniz və hava hədəfi vurulub, onlardan 15-i tam məhv edilib. Bu hədəflər arasında iki ədəd “Su-30” döyüş təyyarəsi də var.

Zelenski bildirib: “Biz yalnız təbəqəli hava hücumundan müdafiə sistemləri üzrə biliklərə deyil, həm də insansız dəniz platformaları vasitəsilə dəniz ticarət marşrutlarının açılması sahəsində təcrübəyə malikik”.

Sevinc Əliyeva
Ordu.az