Ordu.az xəbər verir ki, bu barədə xarici KİV-lər məlumat yayıb.

Britaniya, Fransa və Kanada İsrailə hərbi hücumlarını dayandırmalı və humanitar yardıma mane olmamalı və ya sanksiyalar da daxil olmaqla konkret tədbirlər görülə biləcəyi barədə xəbərdarlıq edib.

Qəzza Səhiyyə Nazirliyinin məlumatına görə, son günlər İsrailin hava və qurudan hücumları nəticəsində 400-dən çox insan həyatını itirib. Son 24 saatda ən azı 136 nəfər həyatını itirib.

Güclü beynəlxalq təzyiqlərdən sonra İsrail üç aylıq tam blokadanın ardından Qəzzaya məhdud yardıma icazə verib. Uşaq qidası və təcili tibbi yardım ləvazimatları daşıyan ilk beş yük maşını Kərəm Şalom sərhəd keçid məntəqəsindən keçib. Lakin BMT-nin yardım üzrə rəhbəri Tom Fletçer yardımı “okeanda bir damla” kimi qiymətləndirib.

İsrailin Baş naziri Benyamin Netanyahu bu məhdud yardımın “minimum” olduğunu və yeni yardım sisteminə keçiddə “körpü mexanizmi” kimi görüldüyünü deyib. HƏMAS-ın yardımdan istifadə etməsinin qarşısını almaq üçün ABŞ-nin dəstəklədiyi, Qəzzaya Humanitar Yardım Fondunun (GHF) rəhbərlik etdiyi yeni ciddi nəzarətli paylama şəbəkəsi yaradılır.

Britaniya, Fransa və Kanada İsraili hərbi hücumlarını dayandırmağa və humanitar yardıma mane olmamağa çağırıb. Əks halda, məqsədyönlü sanksiyalar da daxil olmaqla, “konkret tədbirlər” görülə biləcəyi barədə xəbərdarlıq edilib.

Səudiyyə Ərəbistanı da İsrailin son quru əməliyyatlarını pisləyib və onları “insan hüquqlarına və beynəlxalq hüquqa zidd” adlandırıb. Krallıq bu cür hücumların Qəzzada humanitar vəziyyəti daha da gərginləşdirdiyini vurğulayıb.

Sevinc Əliyeva
Ordu.az