Ordu.az xəbər verir ki, “Naval Station Leovigildo Gantioqui” bazasında keçirilən inteqrasiya olunmuş hava və raketdən müdafiə təlimi zamanı təqdim edilən MADIS sistemi ABŞ-nin PUA təhdidlərinə qarşı inkişaf etdirdiyi strategiyaların gəldiyi nöqtəni nümayiş etdirir.
Kiçik, sürətli və aşağı radar izinə sahib PUA-ların artan istifadəsi ABŞ ordusunun mobil HHM platformalarına investisiyalarını sürətləndirib.
MADIS sistemi iki avtomobildən ibarətdir. İlk avtomobil olan “Mk1” “Joint Light Tactical Vehicle” (JLTV) üzərində quraşdırılıb. Üzərində 30 mm-lik M230LF-yə sahib olan “Mk1” aşağı hündürlükdə uçan PUA-ları yüksək dəqiqliklə və öldürücülüklə vura bilir.
Sistemə “FIM-92 Stinger” raketləri də daxildir. Təkmil elektro-optik/infraqırmızı hədəfləmə sistemləri sayəsində hətta əlverişsiz hava şəraitində belə hədəfin aşkarlanması və məhv edilməsinə nail olmaq mümkündür.
Sevinc Əliyeva
Ordu.az
