Ordu.az xəbər verir ki, “F-16 Block 70” Avtomatik Yerlə Toqquşmanı Önləmə Sistemi (Auto GCAS) kimi texnologiyaları özündə əks etdirən “hava-hava” müdafiəsi və “hava-yer” dəstəyi üçün qabaqcıl platforma kimi seçilir.

F-16 3100-dən çox təyyarə ilə 28 ölkədə fəaliyyət göstərir. Bu yaxınlarda F-16 Pampanqadakı “Klark” aviabazasında Filippin Hərbi Hava Qüvvələri (HHQ) ilə birlikdə “Cope Thunder” təlimində iştirak edib.

F-16 Filippin HHQ-nin FA-50 parkı ilə eyni dəstək avadanlığından istifadə edir. Beləliklə, Filippin HHQ təyyarəyə ölkə daxilində texniki xidmət göstərəcək.

“Lockheed Martin” artıq Filippinin “Black Hawk” və C-130 proqramlarını dəstəkləyir.

Filippinli tərəfdaşlarla müzakirə olunan tədqiqat və inkişaf konsepsiyaları, potensial işçi qüvvəsinin inkişaf proqramları və ölkədaxili texniki xidmət imkanları şirkətin gündəmindədir.

Sevinc Əliyeva
Ordu.az