Ordu.az UNİAN xəbər agentliyinə istinadən xəbər verir ki, Ukrayna İsveçin vəd etdiyi 2 uzun mənzilli radar aşkarlayan təyyarədən (AWACS) birincisini alıb.
Bildirilib ki, ACS-890 uçan radarı Lvov vilayətində ilk sınaq uçuşunu həyata keçirib.
Sabit radara malik iki mühərrikli pərli “Saab 340 AEW” Havadan Erkən Xəbərdarlıq təyyarəsi təxminən 120 dərəcə sektorda və 300-400 km məsafədə hava və yerüstü hədəfləri aşkar edə bilir.
Müdafiə ixracı olaraq, İsveç Hərbi Hava Qüvvələri Tailanda 2 ədəd “Saab 340 AEW&C” təyyarəsi satıb və daha əvvəl Birləşmiş Ərəb Əmirlikləri tərəfindən idarə olunan bir cüt təyyarə də bu yaxınlarda Polşaya satılıb.
Sevinc Əliyeva
Ordu.az
