TÜBİTAK-SAGE və ROEKTSAN ilə əməkdaşlıq çərçivəsində inkişaf etdirilən SOM-J qanadlı raketi iddialı atış sınağı ilə səssizliyini pozub.
Ordu.az xəbər verir ki, bu barədə Türkiyə KİV-ləri məlumat yayıb.
SOM-J atış zamanı hədəf dəniz platformasını uğurla vurub.
Pilotlu və pilotsuz döyüş təyyarələrinin daxili silah stansiyalarına uyğun olaraq inkişaf etdirilən SOM-J Havadan Atılan Qanadlı Raketi (ALCM) arzu edilən qabiliyyət artımlarının həyata keçirilməsi səbəbiylə bir müddət səssizliyə qapılmışdı.
İnkişaf fəaliyyətlərinin tamamlanmasının ardından dəniz platformalarını vurma qabiliyyəti qazanan SOM-J iddialı atış sınağı ilə səssizliyini pozub.
Sınaq ssenarisi çərçivəsində Türkiyə Hərbi Hava Qüvvələrinin 401-ci Sınaq Eskadrilya Komandanlığına aid “F-16 Fighting Falcon” döyüş təyyarəsindən SOM-J atılıb.
Təyyarədən buraxıldıqdan sonra hədəf dəniz platformasına doğru irəliləyən, döyüş başlığı olmayan SOM-J hədəfi tam orta nöqtədən vurmağı bacarıb.
