Ordu.az xəbər verir ki, İran son “Zolfagar 1403” hərbi təlimində PUA-ların qarşısını almaq üçün Rusiya istehsalı olan “Yak-130” təlim təyyarəsindən istifadə edib.
Fevral ayında başlayan təlimdə İran son illərdə Rusiyadan aldığı “Yak-130”dan ilk dəfə əməliyyat ssenarisində istifadə edərək, təyyarənin əməliyyat sahəsindəki imkanlarını sınaqdan keçirib.
Bu çərçivədə İran Hərbi Hava Qüvvələri PUA-ların qarşısını almaq üçün təlim tapşırıqları ilə yanaşı, qabaqcıl avionik sistemləri ilə yüngül hücum təyyarəsi funksiyasını da yerinə yetirə bilən “Yak-130”u tətbiq edərək, bu sahədə texnoloji boşluğu aradan qaldırmağı hədəfləyir.
“Army Recognition”ın məlumatına görə, təlimdə “MiQ-29” qırıcıları ilə birlikdə “Yak-130”lar da tətbiq edilib.
Sevinc Əliyeva
Ordu.az
