Ordu.az xəbər verir ki, raket sınaq prosesində ətraf mühitlə bağlı məlumatların toplanması üçün döyüş başlığı olmadan istifadə edilib.

“Meteor” raketinin F-35B ilə inteqrasiyası üçün sınaq uçuşları ABŞ və Britaniya hökumətləri, MBDA və “Lockheed Martin” şirkətləri ilə əməkdaşlıq çərçivəsində həyata keçirilib. Uçuşlar ABŞ-nin “Patuxent River” dəniz aviabazasından həyata keçirilib.

“Meteor” Britaniyanın əsas “hava-hava” raketidir və hazırda “Eurofighter Typhoon” döyüş təyyarələri tərəfindən istifadə olunur. Bu sınaq prosesi raketin F-35 təyyarələrinə inteqrasiyasında mühüm addım hesab olunur.

Britaniya “Meteor”un F-35B versiyası üçün inteqrasiya səylərinə rəhbərlik edir, İtaliya isə F-35A versiyası üçün inteqrasiya prosesini dəstəkləyir. Bu çərçivədə hər iki təyyarə modelinin “Meteor” raketinin imkanlarından faydalanması hədəflənir.

Sevinc Əliyeva
Ordu.az