Ordu.az xəbər verir ki, müqaviləni İsrail Müdafiə Nazirliyi adından nazirliyin baş direktoru general-mayor Eyal Zamir müdafiə idarəsinin Təl-Əvivdəki qərargahında keçirilən mərasimdə imzalayıb.

“Arrow-3” bloklama raketi dünyanın ilk əməliyyat qabiliyyətli anti-taktiki ballistik raketdən (ATBM) müdafiə sistemi olan “Arrow” Silah Sisteminin (AWS) bir hissəsidir.

İsrail və ABŞ-nin birgə hazırladığı sistem uzaq mənzilli ballistik raket təhdidlərini aşkar etmək, izləmək, ələ keçirmək və məhv etmək üçün nəzərdə tutulub.

Qabaqcıl texnologiyası həm atmosferdaxili, həm də atmosferdən kənar bloklama təmin etməklə, kütləvi qırğın silahlarına qarşı unikal müdafiə təmin edir.

Sevinc Əliyeva
Ordu.az