Ordu.az xəbər verir ki, bu barədə Cənubi Koreya Prezident Aparatının açıqlamasında qeyd edilib.

Açıqlamaya görə, Yoon paytaxt Seulda Ukraynanın müdafiə naziri Rustem Umerovun başçılıq etdiyi nümayəndə heyətini qəbul edib.

Görüş zamanı Yoon Moskva və Pxenyan arasında son hərbi əlaqələrin yaratdığı təhlükəsizlik təhdidləri ilə bağlı narahatlığını bölüşüb.

Şimali Koreyanın Rusiyaya qoşun yeritməsini xatırladan Yoon bu təhdidlərə qarşı “birgə cavab” və ABŞ ilə koordinasiyaya çağırıb.

“Yonhap” agentliyinin məlumatına görə, tərəflərin Cənubi Koreyanın Ukraynaya mümkün silah göndərməsini müzakirə edib-etməməsi barədə məlumat paylaşılmayıb.

Kiyev rəhbərliyinin Cənubi Koreyadan silah dəstəyi istəyəcəyi iddia edilsə də, Umerov görüşdən sonra mövzu ilə bağlı sualı cavablandırmayıb.

Sevinc Əliyeva
Ordu.az