Məsələ burasındadır ki, məlumata görə, guya ABŞ seperatçıları hədələyir ki, bu əlaqəyə razı olmasa, Azərbaycan tərəfindən antiterror əməliyyatları ola bilər. Əgər ABŞ-ın həqiqətən belə bir niyyəti olubsa, o zaman onun ictimailəşdirilməsi, şübhəsiz ki, bəlkə də, sadəcə olaraq, həmin "ideya"nın tormozlanması demək olacaq. Yaxud, bu o demək olacaq ki, "ideya" iflasa uğrayıb, nə seperatçıların, nə də Azərbaycanın razılığını almaq mümkün olmayıb, nəticə etibarilə belə bir təklif formalaşdırmaq mümkün olmayıb.
Digər tərəfdən, ola bilsin ki, Rusiya həqiqətən də belə bir təşəbbüsdən xəbər tutub və mövqelərini itirməmək, belə demək mümkünsə, oyundan kənarda qalmamaq, ABŞ-ın mövqelərinin güclənməsinin qarşısını almaq üçün informasiyanı sızdırıb. Digər tərəfdən, belə olan halda belə bir sual yaranır: ABŞ seperatçılarla Azərbaycan arasında Rusiyaya məlum olmayan əlaqənin təşkilinin mümkünlüyünü həqiqətən real hesab edir?
"Məlum olduğu kimi, Rusiyanın [uzun] dezinformasiya tarixi var. Biz ardıcıl olaraq israr etmişik ki, regionda sülh Qarabağın erməni əhalisinin hüquq və təhlükəsizliyinin qorunmasını əhatə etməlidir. Biz buna şərait yaradan istənilən dialoqu alqışlayırıq", - ABŞ Dövlət Departamenti "Amerikanın Səsi"nin sualına cavabında bildirib.
Ən azı DD-nin indiki reaksiyasından, Rusiya mətbuatında yayılan sızıntının hansı hissəsinin dezinformasiya olduğu bəlli deyil. Onların təmaslar təşkil etməyə çalışmaları dezinformasiyadır, yoxsa razılaşmadıqları təqdirdə seperatçıları Azərbaycanın hansısa addımı ilə hədələmələri dezinformasiyadır? Hər halda Dövlət Departamentinin cavabı kifayət qədər qeyri-müəyyəndir. Habelə xatırladaq ki, Dövlət Departamenti öz sözçüsünün ağzı ilə Azərbaycan Prezidenti Əliyevin may ayındaki çıxışında səsləndirdiyi amnistiya təklifini alqışlayıb.
Ümumən, may ayında aparılan danışıqların intensivliyi onu deməyə əsas verirdi ki, Ermənistan-Azərbaycan münaqişəsi zonasında daha sabit və idarəolunan vəziyyət olmalıdır. Tərəflərin Vaşinqtonda, Brüsseldə, Moskvada, Kişinyovda görüşmələrinə baxmayaraq, qeyd olunanların əksi baş verir, gərginlik nəzərəçarpacaq dərəcədə artır.
Yuxarıda sızdırılanlara əsasən "danışıqlar böyüyür", yoxsa həmin situasiyanın iştirakçıları arasında təşkil olunan görüşlərdən daha çox vəziyyətə təsir edən başqa proseslər baş verir? Bu mənada, son bir neçə gündə Ukrayna Silahlı Qüvvələrinin cəbhədə əks-hücum əməliyyatına başlayacağının rəsmən elan edilməsinə diqqət etməliyik.
ABŞ dövlət katibi Ukraynada əks-hücumun inkişafının həftələr, hətta aylar çəkəcəyini açıqladı. Bu isə öz növbəsində gərginliyin artması deməkdir. Qeyri-müəyyənlik isə ümumən yeni səviyyəyə yüksələcək.
Asif Cəfərov
Ordu.az
