Ordu.az-ın Qərb bürosunun məlumatına görə, şəhidin cənazəsi bu dəqiqələrdə Ağstafa rayon Vurğun qəsəbəsində yerləşən qəbristanlıqda torpağa tapşırılıb.
Dəfn mərasimində şəhidin ailə üzvləri, yaxınları ilə yanaşı, rayon icra hakimiyyətinin, hüquq-mühafizə orqanlarının, idarə və təşkilatların rəsmi şəxsləri, eləcə də ictimaiyyət nümayəndələri iştirak ediblər.
****
Ermənistan silahlı qüvvələri bölmələrinin şərti dövlət sərhədində törətdiyi təxribat nəticəsində Azərbaycan Ordusunun şəhid olan hərbçisi Orxan Novruzəlizadənın nəşi ailəsinə təhvil verilib.
Ordu.az-ın Qərb bürosunun məlumatına görə, hazırda Ağstafa rayonunun Vurğun qəsəbəsində şəhidin ailəsinin yaşadığı evdə vida mərasimi keçirilir.
Mərasimdə rayonun rəsmi şəxsləri, hərbçilərhüquq-mühafizə orqanlarının rəhbərləri, ictimaiyyət nümayəndələri iştirak edirlər.
Vida mərasimi başa çatdıqdan sonra O.Novruzəlizadə Ağstafa rayon Vurğun qəsəbəsində yerləşən qəbristanlıqda dəfn olunacaq.
Qeyd edək ki, mayın 11-də Ermənistan silahlı qüvvələri bölmələrinin qəsdən törətdiyi təxribat nəticəsində Azərbaycan Ordusunun müddətdən artıq həqiqi hərbi xidmət hərbi qulluqçusu, 1998-ci il təvəllüdlü Novruzəlizadə Orxan Elxan oğlu şəhid olub.
Cümşüd Məmmədov
Ordu.az
