Ordu.az xəbər verir ki, bəyantda deyilir:

“Dünən Ermənistan parlamentinin deputatı Arman Babacanyan öz “Facebook” səhifəsində qeyd yazmışdı, bununla yezidiləri də hədəfə alıb: “Yolumuzu sizin başlarınızın üzərindən keçirəcəyik, bu yolun dəliklərini sizin dişlərinizlə dolduracağıq, ayaqlarımızı sizin bədənlərinizə silməyə peşman olacağıq, lakin ölərək ölkəmizin yaşamaq yolunu keçəcəyik. Və qoy biri şübhə etsin, istəyir erməni, istəyir yezidi olsun, qoy biri şübhə etsin”.

İctimaiyyət üçün anlaşılmaz olan bu mətni yazanda deputatın hansı ruhi vəziyyətdə olduğunu təsəvvür etmək çətindir, lakin məlumdur ki, bunun məqsədi həm də yezidiləri hədəfə almaqdır. Biz deputat Arman Babacanyanın bu bəyanatını son dövrdə bəzi qruplar tərəfindən Ermənistanda aktiv şəkildə milli dözümsüzlük yayılması kontekstində nəzərdən keçiririk.

“Sincar yezidilər milli birliyi” ictimai təşkilatı Ermənistanın yezidi icması adından deputatın irqçi əsasla nifrət yaradan bəyanatını qınayır və Ermənistan hakimiyyətini ictimai vəzifə tutan bu şəxsi məsuliyyətə cəlb etməyə çağırır”.

Alpər Mövludoğlu
Ordu.az