Ordu.az “Reuters”ə istinadən xəbər verir ki, bu barədə rəsmi məlumatı Əfqanıstandakı ABŞ missiyasının mətbuat katibi polkovnik Martin Donel bildirib.

O qeyd edib ki, ötən şənbə ABŞ ordusunun Əfqanıstanın Nangərhar vilayətində həyata keçirdiyi hava əməliyyatları zamanı zərərsizləşdirilən İŞİD terrorçularının kimliyinə aydınlıq gəlib.

Rəsmi məlumata əsasən, aviazərbələr nəticəsində məhv edilən 11 terrorçunun arasında qruplaşmanın Əfqanıstandakı rəhbəri Əbu Səəd Ərhabi da var.

Qeyd edək ki, İŞİD-in media qolu olan “Amaq” xəbər agentliyi hələlik məsələ ilə bağlı açıqlama verməyib.

Dəyanət Ağalarlı
Ordu.az