Ordu.az-ın Qərb bürosunun məlumatına görə, şəhid hərbçimizin medalı atası Əli Tatarova təqdim edilib.

Xatırladaq ki, Adil Əli oğlu Tatarov Ağstafa rayonunun Qıraq Kəsəmən kəndində dünyaya göz açıb. Şəhid əsgərimiz bundan əvvəl "Şücaətə görə" medalı ilə təltif olunub. Adil Tatarovun əziz xatirəsi təhsil aldığı Xanməmməd Rzayev adına Qıraq Kəsəmən tam orta məktəbinin qarşısında, kəndin yeddi şəhidinin əziz xatirəsinə ucaldılan abidə kompleksində də əbədiləşdirilib.

Adilin valideynləri onun şəhid düşdüyü ərazidə olub. Adilin şücaət göstərərək şəhidliyə ucaldığı əraziyə onun adı verilib. Hazırda Günnüt kəndindəki zirvələrdən biri şəhid hərbçimizin adını daşıyır. Bununla yanaşı, bu gün "Bu gün gərək hər anımız Vətən desin" şüarı ilə vətənpərvərlik ruhunda tədbir keçirilib.











Cümşüd Məmmədov
Ordu.az