Ordu.az xarici KİV-lərə istinadən xəbər verir ki, bu barədə rəsmi açıqlamanı Ukrayna Müdafiə naziri özünün rəsmi “Facebook” hesabından etdiyi paylaşımda bildirib.

O qeyd edib ki, Böyük Britaniyadan olan həmkarı ilə baş tutan görüşdə tərəflər Kiyev və London arasındakı hərbi əlaqələrin vəziyyətinə və gələcək planlara dair müzakirələr aparıblar.

“Biz cənab Qavin Vilyamsonla görüşdə hər iki ölkənin marağında olan bir sıra hərbi məsələləri müzakirə etdik. Eyni zamanda hərbi sənayelərimizin qarşılıqlı inteqrasiyasının gücləndirilməsi ilə bağlı razılıq əldə etdik. Əlavə olaraq, hər iki ölkənin Donanma və Hərbi Hava Qüvvələrinin əməkdaşlıqlarını daha da dərinləşdirəcək bir çox qərarlara imza atdıq. Bunun nəticəsində qarşıdakı illərdə Böyük Britaniya və Ukrayna arasında ortaq hərbi istehsal sahəsində bir çox yeni layihələr həyata keçiriləcək, həmçinin intensiv olaraq hərbi təlimlər baş tutacaq”, - deyə Poltorak qeyd edib.

Dəyanət Ağalarlı
Ordu.az