Ordu.az xarici KİV-lərə istinadən xəbər verir ki, görüşdə İstanbul Əməkdaşlıq Təşəbbüsü və Şimali Atlantika Şurası arasında əməkdaşlıq müzakirə edilib.

İƏT tərəfindən görüşdə Küveyt, Bəhreyn, Qətər və BƏƏ-nin nümayəndələri iştirak edib. Küveytin NATO yanındakı daimi nümayəndəsi Əl-Budavinin sözlərinə görə, NATO və İstanbul Əməkdaşlıq Təşəbbüsü arasında əməkdaşlıq qlobal stabilliyə əhəmiyyətli dərəcədə kömək edib.

Qeyd edək ki, İƏT NATO-nun 2004-cü ildə Türkiyədə baş tutan sammitində qurulub. Onun məqsədi isə NATO ilə partnyor dövlətlər arasında əməkdaşlığı gücləndirməklə regional və qlobal təhlükəsizliyə töhfə verməkdir.

Ağalar Ağalarlı
Ordu.az