Ordu.az xarici KİV-lərə istinadən xəbər verir ki, Pakistanın Səudiyyə Ərəbistanına əlavə qoşun göndərməsi ölkədə birmənalı qarşılanmayıb.

Bundan sonra Pakistan Senatı Müdafiə Nazirliyindən Pakistan qoşunlarının dəqiq olaraq harda yerləşdiriləcəyi ilə bağlı məlumatın verilməsini istəyib. Əsas narahatlıq Krallığın da daxil olduğu Yəmən müharibəsinin davam etməsidir. Lakin bu narahatlığa son qoyma məqsədilə Pakistan əsgərlərinin Yəmən müharibəsinə qarışmayacağına zəmanət verib.

Qeyd edək ki, iki ölkə arasında 1982-ci ildə imzalanmış protokola əsasən bir müddət əvvəl Pakistandan 1000 əsgər Səudiyyə Ərəbistanında təlim və məşvərət xarakterli missiyaya qoşulub. Hazırda ölkədə 1600-dən çox pakistanlı əsgərin olduğu bildirilir.

Ağalar Ağalarlı
Ordu.az