Ordu.az xəbər verir ki, bu barədə CNN telekanalı hərbi mənbələrə istinadən məlumat yayıb.

Ötən həftənin şənbə günü ABŞ Hərbi Dəniz Qüvvələrinin “USS Carney” esminesi Qara dənizə daxil olaraq burada olan daha bir Amerika döyüş gəmisinə qoşulub.

ABŞ Hərbi Dəniz Qüvvələri 6-cı donanmasının vitse-admiralı Kristofer Qredi bəyan edib ki, Qara dənizdə iki döyüş gəmisi yerləşdirmək barədə qərar daha öncə qəbul edilib və bu, nəyəsə reaksiya göstərmək məqsədi daşımır.

Öz növbəsində CNN-in mənbələrindən biri iddia edir ki, Vaşinqton Qara dənizdə gəmilər yerləşdirməklə bunu normaya çevirmək və həmin regionda üstünlüyə nail olmaq niyyətindədir.

Ağalar Qəribov
Ordu.az