Ordu.az xarici KİV-lərə istinadən xəbər verir ki, ABŞ nümayəndə heyəti tərəfindən təklif olunan qətnaməni BMT Təhlükəsizlik Şurasının Rusiya da daxil olmaqla bütün 15 üzvü dəstəkləyib.

Qətnamədə münaqişə ocaqlarından öz ölkələrinə qayıda bilmədikləri üçün digər ölkələrə gedərək orada ətrafına yeni şəxslər toplamaq üçün təbliğat fəaliyyəti ilə məşğul olan terrorçulara qarşı mübarizənin vacibliyi də vurğulanır.

Bununla əlaqədar olaraq BMT Təhlükəsizlik Şurası dövlətləri milli sərhdərlərə effektiv şəkildə nəzarət etməyə və sənədlərin verilməsində, həmçinin yoxlanılmasında diqqətli olmağa səsləyib.

Qətnamədə bildirilir ki, terrorizmin və terrorçuların fəaliyyətinin qarşısının alınmasında ən effektiv vasitə informasiya mübadiləsi formasında həyata keçirilən beynəlxalq cəhdlərin aktivləşməsidir.

Ağalar Qəribov
Ordu.az