Ordu.az xəbər verir ki, Tramp onları uzun illər MAGA hərəkatını tənqid etməkdə günahlandırıb.

ABŞ Prezidenti paylaşımında Karl Rovun 11 il ərzində özü və MAGA hərəkatı ilə bağlı bütün qiymətləndirmələrində yanıldığını bildirib.

Trampın sözlərinə görə, Rov siyasi reallığı anlamayıb və heç vaxt da anlamayacaq.

“Fox News səriştəsiz və formal respublikaçı Karl Rovdan qurtulmalıdır. O, artıq 11 ildir ki, mən və MAGA barədə qiymətləndirmələrində yanılır. O, tamamilə sağalmaz və funksional olmayan ‘Tramp pozuntusu sindromu’ndan əziyyət çəkir. Karl Rovu dərhal təqaüdə göndərin. O, uğursuzdur və həmişə də belə qalacaq”, - deyə Tramp yazıb.

Qeyd edək ki, Karl Rov tanınmış respublikaçı siyasi strateqdir və əvvəllər ABŞ-nin keçmiş Prezidenti Corc Buşun administrasiyasında çalışıb.

Sevinc Əliyeva
Ordu.az