“Suriyada kimyəvi hücumların araşdırılması üzrə komissiya ləğv edilib” - Quterreş

2017/12/4613277345345_1512632192.jpg
Oxunub: 486     15:34     07 Dekabr 2017    
“Cari ilin noyabr ayında səlahiyyət müddəti bitən BMT və Kimyəvi Silahların Qadağan Edilməsi Təşkilatınının Suriyada kimyəvi silah istifadəsinin araşdırılması üzrə birgə mexanizm öz aktivlərinin məhvinə başlayıb”.

Ordu.az BMT-nin rəsmi saytına istinadən xəbər verir ki, bu barədə BMT baş katibi Antonio Quterreş Təhlükəsizlik Şurasına məktbunda qeyd edib.

“Təhlükəsizlik Şurası mexanizmin mandatını uzatmadı və onun səlahiyyət müddəti 17 noyabr 2017-ci ildə bitdi. Mexanizm artıq BMT prosedurları ilə müəyyənləşdirilən qaydada öz sənədlərinin arxivləşdirilməsinə və aktivlərinin ləğv edilməsinə başlayıb”, - deyə məktubda bildirilib.

Bununla belə, Quterreş qeyd edib ki, kimyəvi silahların istifadəsinə heç nə ilə bəraət qazandırmaq olmaz və onu tətbiq edənlər cəzasız qalmamalıdırlar.

Ağalar Qəribov
Ordu.az

© Materiallardan istifadə edərkən hiperlinklə istinad olunmalıdır


Teqlər: BMT   Suriya   Kimyəvi-silah  


Bizi "telegram"da izləyin