Ordu.az xəbər verir ki, hökumət bu qərarın Ukrayna hərbçiləri üçün əlavə motivasiya amili kimi nəzərdə tutulduğunu bildirib.

Qərara əsasən, düşmən hərbçisinin əsir götürülməsinə görə 100 min qrivna məbləğində mükafat veriləcək.

Bu vəsait əsirin götürülməsində birbaşa iştirak edən hərbçilər arasında proporsional şəkildə bölüşdürüləcək.

Hakimiyyət hesab edir ki, bu təşəbbüs gələcəkdə ukraynalı hərbçilərlə dəyişdirilə biləcək əsirlərin sayının artırılmasına kömək edəcək.

Bundan əlavə, döyüş və ya əlbəyaxa qarşıdurma zamanı Rusiya hərbçisinin məhv edilməsinə görə 15 min qrivna məbləğində mükafat ödəniləcək.

Mükafatın verilməsi üçün əsas şərt hadisənin müvafiq şəkildə təsdiqlənməsi, xüsusilə video görüntülərin təqdim olunmasıdır.

Sevinc Əliyeva
Ordu.az