Ordu.az xəbər verir ki, bu barədə CNN televiziya kanalı məlumat yayıb.

Mənbələrin bildirdiyinə görə, qərar Vaşinqton ilə Tehran arasında əldə olunmuş razılaşmadan sonra qəbul edilib. İddia olunur ki, həmin razılaşma enerji daşıyıcılarının qlobal qiymətlərinin azalmasına və neft bazarlarında sabitliyin təmin olunmasına kömək edib.

Versalda çərşənbə günü imzalanmış sənəd atəşkəs rejiminin 60 gün müddətinə uzadılmasını və Hörmüz boğazından neft daşıyan tankerlərin sərbəst keçidinin bərpasını nəzərdə tutur.

Donald Tramp daha əvvəl bəyan etmişdi ki, Rusiyanın dəniz yolu ilə neft ixracına tətbiq olunan məhdudiyyətlərin yenidən sərtləşdirilməsi imkanını nəzərdən keçirir. Həmin məhdudiyyətlər qlobal enerji böhranı fonunda mart ayında qismən yumşaldılmışdı.

ABŞ Maliyyə Nazirliyi sonradan təsdiqləyib ki, sanksiyaların müvəqqəti dayandırılması rejimi uzadılmayıb və onun qüvvədə olma müddəti çərşənbə günü gecə yarısı başa çatıb.

Bununla yanaşı, administrasiya zərurət yaranacağı təqdirdə müəyyən güzəştlərin müvəqqəti olaraq yenidən tətbiq edilə biləcəyini də istisna etməyib.

Vaşinqton həmçinin G7 tərəfdaşları ilə koordinasiya çərçivəsində Rusiyaya təzyiqin artırılması istiqamətində əlavə tədbirləri müzakirə etdiyini açıqlayıb.

ABŞ administrasiyasının məlumatına görə, neft qiymətləri enməkdə davam edir və artıq bir barel üçün 80 dollardan aşağı düşüb. Vaşinqton bunu İranla əldə edilmiş yeni enerji razılaşmasının təsiri ilə əlaqələndirir.

Sevinc Əliyeva
Ordu.az