Ordu.az xəbər verir ki, bu barədə ABŞ-nin ticarət danışıqları üzrə nümayəndəsi Ceymison Qririn aparatının bəyanatında bildirilib.
“Danışıqlar zamanı əsas diqqət sazişin amerikalı istehsalçılar, fermerlər, heyvandarlıqla məşğul olanlar, işçilər və xidmət təminatçıları üçün faydalı olmasına yönələcək”, - deyə bəyanatda qeyd olunub.
Bundan əlavə, ABŞ danışıqlar çərçivəsində iqtisadi təhlükəsizlik və malların mənşəyinin təsdiqlənməsi qaydaları ilə bağlı bəzi məsələləri yenidən nəzərdən keçirməyi planlaşdırır.
USMCA sazişi 2018-ci ildə Vaşinqtonun təşəbbüsü ilə imzalanıb. ABŞ hesab edirdi ki, NAFTA adlı əvvəlki analoji ticarət sazişi ölkənin maraqlarına cavab vermir.
Yeni müqavilə 2020-ci ildə qüvvəyə minib.
Sazişin şərtlərinə əsasən, hər altı ildən bir planlı yenidən baxılma prosesi nəzərdə tutulur və bu proses 2026-cı il iyulun 1-dək tamamlanmalıdır.
Əgər sazişin müddəti uzadılarsa, o daha 16 il qüvvədə qalacaq.
Əks halda müqavilə 2036-cı ildə başa çatana qədər hər il yenidən nəzərdən keçiriləcək.
Saziş ümumi dəyəri təxminən 2 trilyon dollar olan mal və xidmətləri əhatə edir.
Sevinc Əliyeva
Ordu.az
