Ordu.az xəbər verir ki, bu barədə jurnalistlərə Qazaxıstanın enerji naziri Erlan Akkenzhenov məlumat verib.

“Biz belə adlandırılan “Sibirin gücü-2” layihəsini müzakirə etməyə başlamışıq, baxmayaraq ki, onun işçi adı, yəqin ki, başqadır. Söhbət Qazaxıstan ərazisindən Çinə keçəcək, illik ötürmə qabiliyyəti 35 milyard kubmetrə qədər olan qaz kəmərindən gedir. Biz, Qazaxıstan Respublikası olaraq, təbii ki, tranzitin məhz bizim ərazimizdən həyata keçirilməsində maraqlıyıq. Bunun üçün bütün şəraiti və təminatları yaratmağa, eləcə də Qazaxıstan ərazisində əlavə istehlak təmin etməyə hazırıq”, - deyə Akkenzhenov bildirib.

O qeyd edib ki, bu qaz kəməri Qazaxıstan üçün ona görə mühüm olacaq ki, onun vasitəsilə respublikanın şimal və şərq bölgələrini “mavi yanacaqla” təmin etmək imkanı yaranacaq.

Sevinc Əliyeva
Ordu.az