Ordu.az xəbər verir ki, paylaşılan görüntülərdə sistemin bir təhdid ünsürünə qarşı həyata keçirdiyi atış yer alıb.

“Hard-kill” və “soft-kill” qabiliyyətləri tək sistemdə birləşir

AKKOR Aktiv Qoruma Sistemi, “Fiziki Məhv etmə (Hard-Kill)” və “Funksional Məhv etmə (Soft-Kill)” qabiliyyətlərini eyni çətir altında birləşdirən inteqrasiya olunmuş özünümüdafiə kompleksi kimi hazırlanıb.

“Hard-kill” təbəqəsində sistem yüksək dəqiqlikli radarlar vasitəsilə yaxınlaşan təhdidi aşkarlayaraq sürət və istiqamət təhlili aparır. Ardınca yüksək sürətli sursat atıcıları işə düşərək təhdidə qarşı müdaxilə edir.

“Soft-kill” təbəqəsində isə lazer xəbərdarlıq alt sistemi sayəsində təhdid aşkarlanır və multispektral tüstü sursatından istifadə edilərək platformanın görünməsi azaldılır. Bununla lazer və elektro-optik idarə olunan sistemlərin hədəfləmə qabiliyyəti məhdudlaşdırılır.

360 dərəcə tam qoruma və çoxsaylı təhdidə nişanalma

AKKOR həm qeyri-nizami müharibə mühitində yaxın məsafədən atılan tank əleyhinə raketlərə, həm də konvensional müharibə ssenarilərindəki tank əleyhinə təhdidlərə qarşı 360 dərəcə əhatə təmin etmək üçün hazırlanıb.

Sistemin önə çıxan qabiliyyətləri arasında:

Eyni anda birdən çox təhdidə nişanalma
Yuxarıdan hücum edən və yuxarıdan keçən sursatlara qarşı effektivlik
Çox qısa reaksiya müddəti
Çətin hava və ətraf mühit şəraitində fasiləsiz performans yer alır.

Radar əsaslı arxitekturası sayəsində sistem toz, palçıq, qar və yağış kimi optik sistemləri məhdudlaşdıran şəraitdə də fəaliyyət göstərə bilir.

Modulyar quruluş və geniş inteqrasiya qabiliyyəti

AKKOR-un modulyar arxitekturası sistemin yalnız ALTAY tankına deyil, müxtəlif zirehli platformalara da inteqrasiya edilə bilməsini mümkün edir.

Sistem komponentləri arasında yüksək dəqiqlikli radar, ağıllı sursatlar, lazer xəbərdarlıq sistemi və radioelektron mübarizə kompüteri yer alır. Sensor məlumatlarının emalı ilə təhdidlərə qarşı uyğun əks-tədbir müəyyən edilir.

Sevinc Əliyeva
Ordu.az