Ordu.az xəbər verir ki, təhvilin məqsədi davam edən əməliyyat şəraitində bölmələrin döyüş hazırlığını təmin etmək və piyada bölmələrinin avadanlıq ehtiyaclarını qarşılamaqdır.

Şirkətin məlumatına görə, “IWI İsrail Müdafiə Qüvvələrinin hazırlığını yeni X95 “Micro”-TAVOR tüfənglərinin təhvil verilməsi ilə dəstəkləyir. Bu silahlar kompakt, etibarlı və müasir döyüş şəraiti üçün hazırlanıb”.

Bu təhvilin əhəmiyyəti piyada bölmələrinin döyüş hazırlığına və avadanlıqların davamlı təminatına yönəlməsidir. Aktiv əməliyyat şəraitində olan hərbi hissələr üçün köhnəlmiş silahların vaxtında dəyişdirilməsi və yeni cəlb olunmuş şəxsi heyətin təmin edilməsi döyüş qabiliyyətinin qorunması baxımından vacibdir.

X95 “Micro”-TAVOR “Israel Weapon Industries” tərəfindən hazırlanmış, İsrailin hərbi və təhlükəsizlik qüvvələri tərəfindən geniş istifadə olunan kompakt “bullpup” tipli avtomat platformasıdır. Bu quruluşda əsas mexanizm və daraq tətik qrupunun arxasında yerləşir ki, bu da silahın uzunluğunu azaltmaqla yanaşı lülənin uzunluğunu qoruyur.

Belə dizayn şəhər döyüşlərində, zirehli texnikalarda, məhdud məkanlarda və yaxın məsafəli döyüşlərdə manevr qabiliyyətini artırır.

Platforma əsasən 5.56×45 mm NATO çaplıdır və modul sistem kimi hazırlanıb, bu da müxtəlif tapşırıqlar üçün fərqli variantların tətbiqinə imkan verir.

Sevinc Əliyeva
Ordu.az