Ordu.az xəbər verir ki, bunu Ermənistanın hakim “Vətəndaş Müqaviləsi” partiyasının ofisində jurnalistlərlə brifinq zamanı baş nazir aparatının rəhbəri Arayik Harutyunyan Nikol Paşinyanın yeni Konstitusiyanın referendumla qəbul edilməyəcəyi təqdirdə yeni referendum keçiriləcəyi ilə bağlı bəyanatına münasibət bildirərkən deyib.

“Mən hesab edirəm ki, biz “A” planı ilə irəliləməliyik və problem olmayacaq. Referendumun keçirilməməsi məsələsini müzakirə etməmişik, çünki mənim fikrimcə, proseslər, seçkiöncəsi mərhələ və vətəndaşlarla ünsiyyətimiz göstərir ki, “A” planı realdır və böyük ehtimalla bu variantla davam edəcəyik”, - deyə o bildirib.

Keçmiş partiya üzvü Hovik Ağazaryanın yeni Konstitusiya əvəzinə mövcud Konstitusiyaya Ermənistanın qonşularına qarşı ərazi iddialarının olmadığını göstərən müddəanın əlavə edilməsi təklifinə münasibət bildirən Harutyunyan deyib: “Onu şərh etməyəcəyəm, çünki o, bu müddət ərzində siyasi etik və tərəfdaşlıq çərçivələrini aşdı, o cümlədən həmkarı Aslanyan da”.

Harutyunyan həmçinin qeyd edib ki, partiyanın bölgələrdə apardığı təşviqat kampaniyası gözləniləndən daha uğurlu keçir.

Alpər Mövludoğlu
Ordu.az