Ordu.az xəbər verir ki, bu barədə Ermənistanın “Hraparak” nəşri yazıb.

Nəşr qeyd edib ki, onlar heç cür anlaya bilmirlər: “şef” kilsəyə və katolikosa qarşı kampaniyadan əl çəkibmi, yoxsa “böyük müharibə” öncəsi fasilə götürüb və seçici itirmək istəmir?

“Vətəndaş Müqaviləsi” Partiyasının daxilində belə qənaət formalaşıb ki, ən azı bu mərhələdə atəşkəs elan ediləcək və parlament seçkilərinin nəticələri gözləniləcək. Əgər iyunun 7-də onlar qalib gəlsələr, məsələ öz-özünə həll olunacaq və katolikos könüllü şəkildə vəzifəsindən gedəcək.

Bu mərhələdə kampaniyanı davam etdirmək onlara səs itkisi gətirə bilər, ona görə də fasilə vermək lazımdır. Parlament seçkiləri ərəfəsində kilsəyə qarşı kampaniya yalnız onların reytinqinə zərər vurur”, - deyə nəşr bildirib.

Alpər Mövludoğlu
Ordu.az