Ordu.az xəbər verir ki, ABŞ-nin F-35 planları ilə üst-üstə düşən bu təklif Hindistan üçün diqqətəlayiq bir inkişaf olub.

Hindistandakı müdafiə mənbələrinin məlumatına görə, təklif olunan “Su-57E” modeli ölkənin mövcud “Su-30MKI” parkının modernləşdirilməsinə yönəlmiş “Super-30” proqramına uyğun texnologiyaları ehtiva edir.

Bu texnologiyalara qallium nitridi (GaN) əsaslı AESA radarı və Hindistan müdafiə firmaları tərəfindən hazırlanmış missiya kompüteri daxildir.

HAL (Hindustan Aeronautics Limited) və Rusiyanın UAC (United Aircraft Corporation) şirkətinin birgə həyata keçirdiyi “Super-30” proqramı 150-200 ədəd “Su-30MKI”ni qabaqcıl avioniklər, radar və radioelektron mübarizə sistemləri ilə “4,5++” nəsil döyüş təyyarələrinə çevirmək məqsədi daşıyır.

Sevinc Əliyeva
Ordu.az