Ordu.az xəbər verir ki, MZKT tərəfindən istehsal olunan “Volat V2” birlikləri daşımaq və amfibik əməliyyatlar və xüsusi tapşırıqlar zamanı atəş dəstəyi təmin etmək üçün hazırlanmış 8×8 təkərli bir vasitədir.

MZKT-690003-021 kimi adlandırılan yerli platformaların Belarusun Sovet dövründən qalma BTR-70, BTR-80, BMP-1 və BMP-2 hərbi maşınlarının yerini alması nəzərdə tutulur.

Xüsusiyyətləri

24,500 kiloqramlıq “Volat V2” inkişaf etmiş atəş gücü, davamlılıq və hərəkət qabiliyyəti ilə istehsal olunub.

Uzaqdan idarə olunan “Adunok-CM30.2” döyüş modulu, 30 mm avtomatik top, koaksial 7.62 mm PKT pulemyotu, dörd “Konkurs” tank əleyhinə idarə olunan raket və altı tüstü bombası ilə təchiz olunub.

Vasitədə üç nəfərlik heyət və səkkiz əsgər üçün yer var.

Hər bir V2 yüngül silah atəşinə, tank əleyhinə minalara və əldəqayırma partlayıcı qurğuların partlayışlarına davam gətirə bilir.

Bundan əlavə, avtomatik yanğınsöndürmə, tüstü çıxış sistemi, filtrli havalandırma qurğusu, drenaj, video müşahidə və müxtəlif şəraitdə inkişaf etmiş heyət qorunması və hərəkət qabiliyyəti üçün özünüqurtaran vinç ilə təmin edilib.

Müstəqil hidro-pnevmatik asqı, avtomatik ötürücü və 550 at güclü mühərriklə təchiz olunmuş V2 quruda saatda 110 kilometr, suda isə saatda 10 kilometr maksimal sürətlə hərəkət edə bilir.

Sevinc Əliyeva
Ordu.az