Ordu.az “Reuters”ə istinadən xəbər verir ki, hazırda Suriyanın müxtəlif bölgələrində, əsasən şimal-şərqdə yerləşən təxminən 2000 ABŞ əsgəri, İŞİD-in yenidən güclənməsinin qarşısını almaq məqsədilə yerli qüvvələrlə əməkdaşlıq edir.
Pentagon sözçüsü Şon Parnellin bildirdiyinə görə, bu azalma, İŞİD-in regional və qlobal əməliyyat qabiliyyətinin zəiflədilməsi istiqamətində əldə olunan irəliləyişlərə əsaslanır. Əsgərlərin sayının azaldılması, “Daxili Qətiyyət Əməliyyatı” birgə komandanlığının rəhbərliyi altında, şərtlərə əsaslanan şəkildə həyata keçiriləcək. Bu proses çərçivəsində, ABŞ-nin Suriyanın şimal-şərqində yerləşən üç kiçik əməliyyat bazası bağlanacaq.
ABŞ rəsmilərinin verdiyi məlumata görə, bu geri çəkilmə, Suriyada yerləşən təxminən 2000 ABŞ əsgərindən 600-nün çıxarılmasını nəzərdə tutur. Qalan əsgərlər, İŞİD-ə qarşı mübarizədə kürd müttəfiqləri ilə əməkdaşlığı davam etdirəcək. Bu qərar, 2023-cü ilin oktyabrında HƏMAS-ın İsrailə hücumlarından sonra bölgədə artan təhlükələrə cavab olaraq Suriyadakı ABŞ hərbi varlığının artırılmasından sonra qüvvələrin əvvəlki səviyyəyə qaytarılmasını əks etdirir.
Pentaqon bölgədəki hərbi mövcudluğun azaldılmasına baxmayaraq, İŞİD-in qalıqlarına qarşı zərbələr endirmək və terror təhdidlərinə cavab vermək qabiliyyətini qoruyacağını bildirib.
Bu qərar ABŞ-nin Suriyadakı hərbi strategiyasının yenidən qiymətləndirilməsi və bölgədəki sabitliyin təmin olunması məqsədilə atılan bir addım kimi qiymətləndirilir.
Sevinc Əliyeva
Ordu.az
